JAMANI TUNAFIKIRA GANI JUU YA MTU HUYU?
Ndugu Munishi (mchungaji kama unavyojiita)ninakubaliana na mada zako nilizozisoma kwa makini sana, kwa bahati mbaya sana ninasikitika kukufahamisha kuwa siafikiani hata kidogo na mtazamo wako wa kisiasa kwa kuwa kwa upande wangu naona kama unaweweseka sana kimawazo na wala usipoteze muda wako kufikiria kuna siku utakuwa Rais Mteule wa Tanzania,kuna maovu mengi ya serikali ambayo umeyaongea lakini inaonekana wewe utafanya mbaya zaidi.umezungumzia kuinua kiwango cha elimu Tanzania iwapo utachaguliwa kitu ambacho ungeweza na unaweza kukifanya hata kama wewe si Rais(kuna watu wengi wamejenga mashule na kusomesha yatima wakati hawana hata cheo cha balozi wa nyumga kumi).ukanigusa zaidi kuhusu udini ukimkashifu Rais kwa kushiriki katika kuchangisha fedha za kujenga makanisa kwa kuwa tu yeye ana imani tofauti na yako,umeongea pia kuwa endapo utakuwa rais utaanzisha serikali ya injili yenye katiba ya injili na mleongo wa injili,mmmmmm kumbuka wewe ni mchungaji kama unavyojiita na kiongozi mwenye ubaguzi wa namna yeyote kwa watu anaotaka kuwaongoza hastahiki kabisa kuwa kiongozi,Yesu Krisoto alisema "nimekuja duniani ili ulimwengu uokolewe"sasa wewe unayeanza kuingiza udini katika kuutamani utamu wa ikulu mimi naona utakuwa hatari kuliko nyoka anayeitwa KOBOKO.Kumbuka si wewe pekee unayefahamu maovu ya watawala waliopita si tu katika Tanzania bali duniani kwa ujumla wengi tunafahamu hivyo kwa hiyo tumia busara kutafuta urais na mimi ninakutakia kila la kheri ingawa kura yangu huipati kabisa.wakati unajibu hoja ya lugha ya kiingereza umekosea mahali fulani kusema kuwa rais mstaafu bwana mkapa ana uwezo finyu wa lugha hiyo,ninaomba nikushauri kuwa siku zote kama huna ufahamu wa kitu kwa mapana basi utaona watu wengine pia kuwa ni maimuna kumba hiyo ni tafsiri tofauti na ukweli,nakushauri kufanya utafiti wa kina kabla ya kuongea hasa kuandika mada kwani ni vema kuandika mada yako kwa usahihi kuliko kutumia jazba kufanya hivyo wakati unataka kuwa rais.Mwisho ningekushauri uendelee na uimbaji kwa kuwa ninakumbuka nyimbo zako nyingi nzuri kuliko mada unazoziandika sasa.Wimbo wako ninaoupenda sana ni kinko mbali ugenini, endelea na kipaji chako cha uimbaji na ninakutakia mafanikio mema na safari yako ya IKULU